Data:
19/11/2002 15.51.33
 rispondi
al msg
 nuovo
msg
 cerca nel forum
 torna
all'indice |
"Morte di Tiberio" (Tacito)
Iam Tiberium vires, non dissimulatio, desrrebant:idem animi rigor. Sermone ac vultu intentus, quaesita interdum comitate defectionem, quamvis manifestam, tegebat. Mutatis saepius locis, tandem apud promunturium Miseni consedit in villa, cuius Lucius Lucullus quondam dominus fuerat. Illic eum adpropinquare supremis compertum est. Erat medicus arte insignis, nomine Caricles, non quidem regere valetudinem principis solitus, consilii tandem copiam praebere. Is, velut ad propria negotia digrediens et per speciem officii manum eius complexus, pulsum venarum attigit et labi spiritum neque eum ultra biduum duraturum Macroni firmavit. Septimo et decimo ante Kalendas Apriles, interclusa anima, creditus est mortalitatem explevisse, et omnes novo principi Caio Caesari gratulabantur, cum repente adfertur vocem ac visum Tiberio redire. Pavor hinc in omnes invasit, qui eius morte laetati erant, sed Macro intrepidus opprimi senem iniectu multae vestis iubet. Sic Tiberius finivit octavo et septuagesimo aetatis anno.
|
Cerca
STORIA E CIVILTA'
DIRITTO
ATTUALITA'
MAPPA DEL SITO
stampa
aggiungi
ai preferiti
imposta
come pagina iniziale
torna
su
HOMEPAGE
SEGNALA IL SITO
FAQ 
NEWSGROUP